بسم الله الرحمن الرحيم
بقالى فترة متابعه المدونات واحببت عالم التدوين لدرجة انى اليوم اللىمخدش فيه جرعة الريدر واقراالمدونات احس ان شىء ناقصنى لكنى شعرت بحاجتى الى التواصل معكم.... وكمان حاجه فى بعض الاحيان ادخل اعلق عند حد فوجدت انه من حق الاخرين لما يدخلوا عندى يشوفوا مين اللى بتعلق ميلقوش المدونه عامله زى الصحرا وكمان احساس قاتل بالوحدة رغم وجود الزوج وثلاثة اطفال يملو وقت اى حد لكن الوحده متهيألى غير الانشغال فالوحده فى تصورى هى عدم وجود تواصل مع من حولك فقد تكون فى وسط 100 شخص لكن تشعر بالوحده لان جواك فراغ اللى حوليك مش قادرين يملوه مش لاقى حد يلمسك من جوه وتحس انه معاك على نفس الخط والموجه.......ايه ده اللى انا بقوله ده باين عليا بخرف بجد مش المدونه اسمها تخاريف يلا محدش ياخد على تخاريفى
الغرض انى قلت ادون بدل مقعد اكلم نفسى لعلى اسمع صوت غير صدى صوتى
هناك 5 تعليقات:
بإسم الله الرحمن الرحيم
.. إستمرى على بركة الله .. فرحلة الألف ميل تبدأ بخطوة .. والبداية موفقة
تحياتى
الاستاذ محمد شعبان
اشكر مرورك والتعليق عندى وتشرفت بوجودك
السلام عليكم ورحمة الله وبركاته
اولا مرحبا بكى فى عالم التدوين عالمنا
ثانيا انا متاكده انك هتكونى مدونه عظيمه بس ابدأى واستمرى ومعاكى هنسمع احلى التخاريف مش بقول كده مجامله البوست هو الى بيقول كده رغم ان كلماته قليله وهى بدايه بس جواه كاتبه متميزه
ثالثا يالا باءه بسرعه
دومتى بخير واتمنى التواصل
والسلام عليكم ورحمة الله وبركاته
مؤمنه
اشكرك على كلماتك ولو انى مش شايفه المشجعه رغم انى مش شايفه اى تميز فى البوست فبسم الله ماشاء الله عالم التدوين ملىء بناس فطاحل فى الاسلوب والتعبير ولكن هى مجرد محاوله للتواصل مع ناس حبتهم من خلال كتابتهم من غير ما اتعرف عليهم وحبت احشر نفسى وسطهم وبس
مشكورة على كلماتك وانا من قراء مدونتك على فكرة ودومتى بخير
السلام عليكم ورحمة الله وبركاته
انتى علقتينا بيكى كده وسيبتينا
ايه فين نشاطك فى النشر زى ما كنتى بتسعدينا بزياراتك
عل المانع خير ودومتى باطيب حال
والسلام عليكم ورحمة الله وبركاته
إرسال تعليق